Baro a kuarto, naluktan iti TGHCC

TAGUDIN, Ilocos Sur – Kagiddan ti panangselebrarna iti maikatlo a tawenna manipud idi nagbalin a general hospital, nailukat ti naglukat ti Tagudin General Hospital and Capillariasis Center (sigud a Southern Ilocos Sur District Hospital) iti kanayonan a kuarto idi Nobiembre 20 tapno ad-adu pay ti maserbianna nga umili.

Indonar da Mr. and Mrs. William Lasaga ti kanayonan a kuarto a naawagan iti Villa D’el-Lita Room ket agserbi daytoy a kuarto kas kanayonan a pakaipanan dagiti pasiente ti ospital.

Naluktan pay iti daytoy nga aldaw ti tallo a napabaro a kuarto iti TGHCC a pakatamingan dagiti pasiente nga addaan iti PhilHealth cards. Maysa a kuarto ti para lalaki, idinto a para laeng iti babai ken ubbing dagiti dua pay a kuarto.#