Baro a municipal police station, nainaguraran

STO. DOMINGO, Ilocos Sur -Nainaguraran itay Disiembre 28 ti kabarbaro a municipal police station ditoy.

Naipatakder ti aggatad iti P2-milion a police station babaen ti panagkikinnamayyet ti lokal a gobierno ditoy, ni Dip. Salacnib Baterina ken ti Philippine National Police kas  kiniddaw ni Col. Crispin Agno idi isu ti officer in charge ti provincial police officeidi 2005.

Ti police station ti maikanem a naipatakder iti babaen ti programa ni Gen. Arturo Lomibao idi isu pay ti hepe ti PNP a pakairamanan ti Vigan City, Tagudin, Narvacan, Santa, ken Sta. Lucia.#