Baro a nagtakaw iti bomba ti danum, nakasuan

CANDON CITY – Nakasuan iti city prosecutor’s office ditoy ti maysa a baro a nagtakaw iti bomba ti danum iti maysa a talon ditoy siudad idi rabii ti Marso 28.

Nakasuan iti theft ni Dominick de la Cruz y Madrideo, 29, baro, residente iti Barangay Anoling 2nd, Camiling, Tarlac gapu iti panangtakawna iti water pump a kukua ni Ignacio Gabor, 82, naasawaan, mannalon ken residente iti Barangay San Nicolas, Candon City.

Naduktalan ti panagtakaw idi nagreport ni Aljo Tamayo y Prado, security guard ti Dominion Bus, iti Candon police a maysa a ganggannaet a lalaki ti nagsaludsod kenkuana mainaig ti pannakaibiahe ti maysa a water pump iti Camiling, Tarlac.

Iti panagimbestiga dagiti polis, naammuan a mapapati nga inted dagiti uppat a lallaki a nabirngasan iti Bong-bong, Jong-jng, Don-don ken Matet ti water pump ken ni de la Cruz tapno maibiahe iti Tarrlac babaen ti Dominion Bus.

Ngem nagparang ni Gabor ket imbagana iti polis nga isu ti akinkukua iti bomba ti danum.#