Baro a nangi-video panagkanaigda iti nobiana, nakasuan

LUNA, La Union – Maysa a baro ti nakasuan gapu iti masuspetsa a panagiwarasna iti video ti panagkanaigda iti dati a nobiana.

Nakasuan iti provincial prosecutor’s office ni Albert Paredes, 19, baro, residente iti Barangay Darigayos, ditoy nga ili, estudiante,  iti panagsalungasing iti R.A. 9995 wenno Anti-photo and Video Voyuerism Act gapu ta masuspetsa nga isu ti naggapuan ti agwarwaras a sex videoda ken ni Ana (parbo a nagan), 18, estudiante iti maysa a kolehio iti San Fernando City.

Mapapati a nai-video ti panagkanaig dagiti dua iti boarding house ti suspek idi bulan ti Hulio sakbay a nagsinada idi Agosto daytoy a tawen.#