Footer

Baro a patrol car, naisibbo iti bagyo Karen

SAN ESTEBAN, Ilocos Sur – Naisibbo ti kabarbaro a patrol car a pinagbisita ti mayor ken dagiti polis kadagiti kalugaranda a dinidigra ni Bagyo Karen.

Kangitingit ti bagyo idi mapan alaen ni Mayor Chester Elaydo ti patrol car iti Manila.

Kinuna ni Elaydo a nupay adda iti Manila, nainget ti panangmonitorna iti mapaspasamak iti ilina ket uray kapigsa ti tudona, naggawid a sigida tapno personal a makitana ti kasasaad dagiti kalugaranna ken maited a dagus ti tulong kadagiti agkasapulan.

Maysa a pinasiar ti mayor ti Barangay Cappa-Cappa a naipadamag a nagaburan ti kalsada ket pinawaknitanna dagiti kalsada tapno makalasat dagiti lugan. (Danny Antalan)