Baro a police station, nainaguraran

BUGALLON, Pangasinan – Nabendisionan ken nainaguraran ti kabarbaro a police station ditoy nga ili idi Enero 12.

Kangrunaan a sangaili iti inagurasion ti baro a police station ni kabarbaro a PNP regional director, Police Chief Supt. Ricardo C. Marquez.

Malaksid ti panangipaayna iti komendasion ken ni Police Senior Superintendent Marlou C. Chan, provincial director of Pangasinan, nagyaman ni Marquez iti lokal a gobierno ti Bugallon ken ti komunidad gapu iti suportada a nagtungpal iti pannakaipatakder ti nasao a pasdek.

Nabangon ti tallo-kadsaaran a pasdek babaen ti panagkikinnamayet da PSSupt Ruben B. Serapio, Chief, Regional Logistics Division, PRO1;  Pangasinan 2nd District Congressman Leopoldo N. Bataoil; ken Bugallon Mayor Rodrigo M. Orduna.#