Baro a police station, nainaguraran

UMINGAN, Pangasinan – Indauluan ni Police Chief Supt. Franklin Jesus B. Bucayu, regional director ti Police Regional Office I, ti pannakainagurar ti kabarbaro a police station ditoy idi Nobiembre 28.

Napatakder ti nasao a police station babaen ti PNP ken adda counterpart a pondo manipud ti LGU ditoy.

Kinuna a Bucayu a paset daytoy ti modernisasion ti PNP nangruna ti pannakapasayaat dagiti pisikal a pasilidad dagiti PNP units.

Impakaammo ni Bucayu a nainaguraran metten ti police station ti Caoayan, Ilocos Sur, Basista, Natividad, ken Aguilar iti Pangasinan idinto a madama ti pannakaipatakder ti police station ti San Ildefonso, Ilocos Sur, Bugallon iti Pangasinan, ken San Gabriel iti La Union.#