Baro a presidente ti NLPSC, nagtugaw

CANDON CITY – Pormal a nagtugaw kas officer in charge iti North Luzon Philippines State College (NLPSC ni Dr. Elizabeth Gacusana idi Hulio 17.

Sinukatan ni Gacusana ni Dr. Caridad Abuan, regional director ti Commission on Higher Education (CHED), a nagtugaw a kas OIC ti pagadalan manipud idi naisina iti University of Northern Philippines ken naaprobaran ti panagwaywayasna a kolehio, nasurok makatawenen ti napalabas.

Pormal nga inyawat ni Abuan dagiti responsibilidadna ken ni Gacusana iti programa nga inatenderan dagiti mangisursuro, estudiante ken dadduma pay nga opisial ti pagadalan.

Nasuroken a dua a ribu dagiti agbasbasa ditoy a pagadalan a binangon ni dati a Deputy House Speaker Eric Singson. (Danny Antalan)