Baro a provincial director, saan a karaman iti shortlist ni Gov. Marcos

LAOAG CITY – Linagidaw ni Gov. Imee Marcos ti pannakaipuesto ti baro a provincial director iti Ilocos Norte idinto nga awan daytoy iti listaan a nagpilianna.

Kinuna ni Marcos nga adda pilina a sumukat ken ni Police Senior Supt. Marlou Chan ket awan iti shortlist ni Senior Supt. Gerardo Ratuita.

Linagidaw pay ti gobernador ti pannakaikkat ni Chan bayat ti kaaddana iti ballasiw-taaw.

Naiyakar ni Chan sadiay Pangasinan.

Idi Enero 14, inwaragawag ni PNP Regional Director Chief Supt. Ricardo C. Marquez bayat ti Regional Joint Security Control Conference a naangay iti Police Regional Office 1 ti pannakaipuesto ni Ratuita a kabarbaro nga OIC provincial director ti Ilocos Norte.#