Footer

Baro a provincial veterinarian nagsapata

VIGAN CITY – Addan baro a beterinario ditoy probinsia.

Nagsapata ni Dr. Joey Warren Bragado a kas baro a provincial veterinarian iti sanguanan ni Gov. Luis “Chavit” Singson iti simple a seremonia iti provincial capitol idi Hulio 2.

Sinuktan ni Bragado ni Dr. Ernesto Mendoza a nagretiro itay nabiit.

Sinaksian dagiti agtuturay ti San Emilio ti panagsapata ti baro a beterinario ti probinsia a naigiddan iti pannakaisayangkat ti Peoples’ Day ditoy nga ili.

Taga-San Emilio, Ilocos Sur, maysa nga upland municipality ti baro a provincial veterinarian. Anak ni dati a Mayor Lorenzo Bragado ken manugang ni Mayor Ferdinand Banua.#