Footer

Baro a sumangsango iti kaso a panagrames, naaresto

STA. CRUZ, Ilocos Sur – Awan ti nairekomenda a piansa ti naaresto a baro a sumangsango iti kaso ti panagrames idi rabii ti Mayo 3 ditoy nga ili.

Nainaganan ti akusado a ni Marvin Aday y Dapeg, 32, baro, ken residente iti Barangay Daligan, ditoy nga ili. Sumangsango ni Aday kadagiti kaso a panagrames (3 counts) a naka-docket iti babaen ti CC No. 3068-C agingga iti 3070-C; rape through sexual assault a naka-docket iti babaen ti CC No. 3067-C ken acts of lasciviousness (2 counts) a nai-docket iti babaen ti CC NO. 3065-C ken 3066-C.

Naisaklang dagiti kaso iti sala ni Judge Policarpio Martinez ti RTC Branch 71, Candon City.

Awan  piansa ni Aday iti 3 counts of rape idinto a nairekomenda ti piansana a P36,000.00 iti rape through sexual assault ken 2 counts iti acts of lasciviousness.#