Baro, biktima ti salvage

CABUGAO, Ilocos Sur – Nasarakan ti maysa a baro nga awanen ti biagna iti waig iti Barangay Quezon ditoy nga ili idi agsapa ti Pebrero 26.

Nabigbig ti biktima a ni Jomar Purisima y Torreno, baro, awanan panggedan ken residente iti nadakamat a barangay.

Nagsagaba ti biktima iti bagsol iti makannigid a likudna ken nakaro a dunor iti ulona ken mapapati nga imbelleng dagiti di pay am-ammo a tattao iti waig.

Narekobre iti nakapasamakan ti krimen ti maysa nga stainless nga imuko nga agatiddog iti 11” pakairamanan ti pagiggagaman ken nangisit a  motorsiklo a Honda TMX 125 a kukua ti biktima a nadiskubre a nakaparking iti sango ti Independent Church iti nasao met laeng a barangay.

Madama ti panagimbestiga mainaig iti nasao a krimen.#