SAN ILDEFONSO, Ilocos Sur – Nagramut daytoy pammagsol iti panagsubang dagitoy agkalib-in bayat ti panaginumda iti balayda idi sardam ti Hunio 12.
Naireport iti polis a binagsol ni Emy Kaye Marcelo y Bacani, 26, natibo iti Pampanga, ni Ronaldo Madriaga y Paculan, 30, baro, gapu ta adda naparnuay a nabara nga argumentoda bayat ti panaginumda.
Nagsagrap ni Madriaga iti sugat iti makannawan a barukongna.
Naitaray ni Madriaga iti Metro Vigan Cooperative Hospital idinto a boluntario a simmuko ni Marcelo kadagiti nagresponde a polis.
Saan a narekobre ti imuko a naaramat iti pammagsol.#