Baro, binagsol ti kabsatna

CANDON CITY – Nagtungpal iti pammagsol ti panagriri dagitoy nga agkabsat idi rabii ti Marso 9.

Nabigbig ti nabagsol a ni Resty Guilay y HereƱa, 36, baro, mannalon ken ti kabsatna a bimmagsol kenkuana a ni Rupuerto Guilay y HereƱa, 35, baro, mannalon met laeng, ken agpada a residente iti Barangay Palacapac, Candon City.

Segun iti maysa a saksi, nagriri dagiti agkabsat iti sanguanan ti balayda ket mapapati nga innala ni Rupuerto ti double blade nga imukona sana binagsol ni Resty iti sumagmamano a daras a nagsagrapan daytoy kadagiti sugat iti makannigid a takiagna, makannigid a sakana ken makannigid a paset ti bagina.

Impaima ti barangay captain suspek agraman ti imuko kadagiti nagresponde a polis.

Saan a nadakamat iti report no ania ti nagringgoran dagiti agkabsat.#