STA. MARIA, Ilocos Sur –Â Dimo bagbagaan ti nabartek, uray kabsatmo ta posible a sabali ti pagawatanna.
Binagbagaan ni Mario Rafin y Mendoza, 29, baro, mannalon, ken residente iti Sitio Herrera, Barangay Tay-ac, Bantay, Ilocos Sur mainaig iti karelasionna a babai ket mapapati a di nagustuan ti kabsatna a ni Joseph Rafin y Mendoza, 20, baro, a puon ti nangbagsolan daytoy iti manongna.
Segun iti amada a ni Pelardo, 60, idi parbangon ti Pebrero 6, simmangpet dagiti tallo nga annakna manipud iti maysa a natayan ket naggiinomda iti kusina.
Mapapati a binagbagaan ti biktima ken ti inaunaanda a ni Melchor ni Joseph nga ikasarnan ti kalib-inna a masikog ngem nakarurod daytoy ket pimmanaw sa napan iti kalapawna.
Idi napan immisbo ni Mario iti ruar idi kellaat a nagparang ni Joseph sana binagsol ti biktima iti namindua iti tian.
Naitaray ni Joseph iti ospital idinto a naglibas ti suspek.
Iti pannakaisurat daytoy, birbiroken dagiti polis ti suspek.#