Footer

Baro, dandani nahold-ap, nabagsol

VIGAN CITY – Nayospital ti maysa a baro kalpasan a binagsol dagiti tallo a lallaki a nanggandat a manghold-ap kenkuana ken ti gayyemna a babai.

Segun iti inbestigasion, dimmagas da John Carlo Amador, 20, baro, residente iti San Pedro ditoy met laeng siudad, ken di nainaganan a kaduana a babai iti maysa a waiting shed iti igid ti kalsada ti nagtengnga a Govantes Dike idi immasideg dagiti suspetsa sada inwaragawag ti hold-ap.

Nagtaray dagiti dua ngem nakamatan dagiti suspetsa ni Amador ket binagsol ti maysa ti biktima.

Sinawar dagiti polis ti Bantay ken ditoy siudad dagiti nangbagsol ken ni Amador ngem saandan a nasarakan dagitoy.#