Footer

Baro, dinungpar ti 10-wheeler truck, natay

SANTA, Ilocos Sur –  Natay bayat a maag-agasan iti ospital ti maysa a baro a dinungpar ti trak iti sanguanan ti maysa a pagadalan idi malem ti Hulio 29.

Pimmusay ni Juan Pascua Jr. y Bello, 51, baro, residente iti Barangay Quirino ditoy nga ili gapu iti panangdungpar kenkuana ti Fuso 10-wheeler truck a minaneho ni Sami Bonilla y Longboy, 22, baro, ken residente iti Barangay Sta. Cecilia, San Nicolas, Ilocos Norte iti sanguanan ti Santa Central School idi agarup 2:20 ti malem ti nadakamat a petsa.

Segun iti report, magmagna ti biktima iti asideg ti tengnga ti akinlaud a lane ti highway ket mapapati a pinadas ni Bonilla a lisian ngem nasagid latta daytoy a puon ti nagsagabaan ti biktima iti sugat iti nagduduma a paset ti bagina.

Naitaray ti biktima iti Metro Vigan Cooperative Hospital ngem pimmusay kabayatan a matamtaming ditoy.

Naipan ti drayber ti trak ken ti luganna iti police station ditoy para iti umisu a disposision.#