Footer

Baro, ginandat a patayen armado a tattao a riding in tandem

MAGSINGAL, Ilocos Sur – Maysa a baro ti ginandat a papatayen dagiti armado a tattao a riding in tandem iti Sitio Linasin, Barangay Cabaroan ditoy nga ili idi agsapa ti Abril 17.

Iti pannakaisurat daytoy, adda pay la iti ospital nga agpapaagas ni Clemente Tabuloc y Tabula, 38, baro, ken residente iti Barangay Dacutan, ditoy met laeng nga ili.

Segun iti report, idi agarup als 6:00 ti malem ti Abril 17, aggawiden ni Tabuloc a nakalugan iti Honda Dio a chopchop a motorsiklo ket idi makadanon iti Sitio Linasin, pinaltogan dagiti tattao a nagkalubbon iti motorsiklo a nakasugatan dagiti ramay ti dua nga imana.

Naglibas dagiti di nabigbig a pimmaltog iti amianan a direksion a nakalugan iti Suzuki X-4 a motorsiklo.

Nakarekobre dagiti inbestigador iti pito a kapsula a nagtaud iti cal .45 ken maysa a buli a naggapu iti dayta met laeng a klase ti paltog.

Mapapati a dati a susik ti motibo ti pammaltog.

Naipatuloden dagiti kapsula ken buli iti crime laboratory iti San Fernando City para iti ballistic examination.#