Baro, impaypaysona ti nagbekkel

QUIRINO, Ilocos Sur – Sangkaangaw ni Conde Astrero y Degay nga agbekkel no mabartek ket saan ngarud a namatpati ti pamiliana idi naisalpikana manen daytoy kalpasan ti maysa a drinking spree idi rabii ti Disiembre 5.

Segun iti report, naggiinom da Astrero ken dagiti kabagianna idi Barangay Poblacion ket idi agsublidan iti Barangay Namitpit, bayat ti panagiinnangawda, kellaat a nangala ni Astrero iti tali sana imbaga nga agbekkel iti pinuon ti langka iti sango ti balayda.

Anian a pannakakellaat dagiti kakabagian ni Astrero, 23, baro, idi nakitada nga agbitbitin daytoy iti langka idi agarup 12:30 ti bigat ti Disiembre 6.

Dagusda nga intaray ti biktima iti Quirino Health Care Facility ngem saanen a naidanon daytoy a sibibiag pay.#