Baro a kimmarit iti polis, naaresto

STA. MARIA, Ilocos Sur – Uray otoridad, saan a bigbigen daytoy a baro, resulta, tiniliw dagiti polis.

Segun iti report manipud iti polis ditoy, idi agarup 9:30 ti bigat ti Septiembre 5, idi lumabas a nakamotorsiklo iti waiting shed sadiay Barangay Poblacion ni SPO4 Reynaldo Castro y Deocales, 55, naasawaan, ken residente iti Barangay Baliw Laud ditoy nga ili, mapapati a binugkawan ni Rodelio Devis y Hufana, 42,  baro, ken residente iti nadakamat a barangay.

Nupay kasta, saan nga intaltalek ni Castro.

Mapapati a sinurot ni Devis ni Castro agingga iti sango ti balay ni Konsehal Macky Tan, dimsaag sana imbugkaw nga uray polis daytoy ket saan a mabuteng.

Mapapati a dinanog ni Devis ni Castro ngem nakalisi ti polis.

Tinawagan ni Castro da PO3 Albert Directo ken PO2 Rogelio Molina ket inarestoda ni Devis sada impan iti police station.#