Baro, kinettelna ti biagna

CERVANTES, Ilocos Sur – Maysa a baro ti nangkettel iti biagna iti Sitio Cabaroan, Barangay Concepcion, ditoy nga ili idi malem ti Marso 23.

Inreport ni Lucrecia Garino y Martinez, balo, 55, residente iti nadakamat a barangay, iti polis ti panagbekkel ni Jonathan Martinez y Galleto, 24, baro, taga-Tabuk, Kalinga ngem agnaeden iti nasao a barangay babaen ti barut nga inggalutna iti pasanggir ti balayda.

Naitaray ni Martinez iti Bessang Pass Memorial Hospital ngem naideklara nga awanen ti biagna.

Nakasarak dagiti inbestigador iti suicide note iti nagbekkelan ti biktima.

Mapapati a personal a problema ti nangkettelan ti biktima iti biagna.#