Baro, nabagbagsol, natay

STO. DOMINGO, Ilocos Sur – Dead on arrival iti ospital ti maysa a baro gapu kadagiti sugatna gapuen iti pannakabagbagsolna idi rabii ti Abril 18.

Indeklara ti doktor a nangtaming kenkuana a natayen ni Roberto Asuncion y Permado, 43, baro, ken residente iti Barangay Padu Chico, ditoy nga ili gapu kadagiti sugatna iti nadumaduma a paset ti bagina.

Segun iti polis, aggawiden ti biktima a nakalugan iti Yamaha Mio motorcycle idi binangenan dagiti suspek ket binagbagsolda daytoy.

Mapapati a nabaelan pay ti biktima ti timmaray ngem kinamat dagiti suspek sada intuloy a binagbagsol.

Saan a narekobre ti patadem a naaramat iti krimen.

ti kaudian a report, nabigbig ti nangbagsol ken ni Asuncion a maysa a Francisco Torrina y Pemado, 56, naasawaan, ken kalugaran met laeng ti biktima.#