Baro, nadunor iti stray bullet iti Baro a Tawen

CANDON CITY.  Sinarabo ti maysa a baro ti tawen 2008 iti ospital gapu iti pannakapunta ti sakana iti naiyaw-awan a bala bayat ti selebrasion ti New Year ditoy.

Ti biktima a ni Jaylord Valdez, 18, baro, ken residente iti Barangay Allangigan Primero ket naitaray iti Resonable Hospital gapu iti sugatna iti akinkannigid a luppona a gapuanan ti naiwawa a bala manipud iti paltog nga imputok ti di am-ammo a tao kas panangselebrarna iti baro a tawen.

Segun iti inbestigasion ti pulis ditoy, napan gimmatang iti ice cream  ti biktima sumagmamano a minutos sakbay ti idadateng ti 2008  idi makarikna iti panagbibineg ti luppona. Idi kitaenna, agdardara gayam ta adda sugatna.#