Baro nagbekkel idi masitar panagbartekna

STO. DOMINGO, Ilocos Sur – Gapu iti panangsitar kenkuana ti kalib-inna iti masansan a pannakabartekna, mapapati a kinettel ti maysa a lalaki ti biagna sadiay Sitio Cabittaogan, Quimmarayan, ditoy nga ili idi malem ti Agosto 13.

Nasukalan dagiti kabbalayna  ni Jovymar Molina, 30, baro, awanan panggedan, ken residente iti Barangay Lao-ingen ditoy met laeng nga ili a nakabitin babaen ti nylon cord ket intarayda iti Tolentino Clinic and Hospital ngem indeklara ti doktor nga awanen ti biagna.

Sakbay ti insidente, naggiinom da Molina ken ti kasinsinna ngem idi naggawid ti biktima, mapapati a sinitar ni Analyn Pita y Taculog, 26, kalib-inna, mainaig iti masansan a pannakabartekna.

Inserra ni Molina dagiti ridaw sa mapapati a nagbekkel babaen ti nylon cord.#