Baro, nagpasiar iti GFna, intarayda ti motorsiklona

BANTAY, Ilocos Sur – Natakaw ti motorsiklo ti maysa a baro a napan nagpasiar iti gayyemna a babai iti pagdagusan daytoy.

Segun iti report, pinasiar ni Martin Bornilla, 21, agtrabtrabaho iti Francisca Marketing, ti di nainaganan a girl friendna iti Zone 4 iti ala una ti parbangon ket imparkingna ti motorsiklona nga XRM iti sango ti dagus ti babai.

Idi aggawiden ti biktima iti alas sais ti bigat, naduktalanna nga awanen ti luganna.

Di pay ammo ti kinasiasino ti nangitaray iti motorsiklo.#