Footer

Baro a nakapatay iti kabsatna, makasuan

TAGUDIN, Ilocos Sur – Inrekomenda ni Tagudin 1st Provincial Prosecutor Arceli Perla Rebolido-Refuerzo ti pannakaipila ti impormasion para iti kaso a murder maikontra ken ni Ronnie Lodia y Aguilar, 38, construction worker, ken residente iti Barangay Bucao West, gapu iti panangbagsolna iti kabsatna a ni Niño Lodia y Aguilar, 29, a puon ti nakatayan daytoy.

Iti inisial nga inbestigasion dagiti polis, mapapati a nabartek ni Ronnie Lodia a simmangpet iti balayda idi agarup 8:00 ti sardam ti Nobiembre 19 ket nagsubangda nga agkabsat agingga iti nagbinnarsakda iti bato.

Inasut ti suspek ti imukona sana binagsol ti kabsatna

Naitaray ni Niño Lodia iti Tagudin General Hospital ngem indeklara ti doktor a natayen gapu kadagiti sugat iti nadumaduma a paset ti bagina.

Naipaagas met ti dunor ti suspek iti ulona ken makannigid a pungupunguanna sa naipan iti police station para iti dokumentasion ken umisu a pannakaipila ti kasona.#