Baro, nakoriente bayat panagikabitna iti karatula

VIGAN CITY – Naiyospital ti maysa a baro gapu iti pannakakorientena bayat ti panagikabitda iti karatula ti maysa a produkto iti tuktok ti maysa a sari-sari store sadiay Barangay Ayusan Norte ditoy nga ili idi malem ti Oktubre 27.

Iti pannakaisurat daytoy, matamtaming pay iti Gabriela Silang General Hospital gapu iti pannakakorientena ni Jerwin Gascon, 20, baro, ken residente iti Gloria 1, Sindalan, San Fernando City, Pampanga.

Iti panagimbestiga dagiti polis, ikabkabit ni Gascon ti signage ti “Cobra” iti tuktok ti tiangge idi inyawat ni Danilo Boyles y De Dios, 62, ken residente iti nadakamat a lugar ti paggalutna a barut ngem nakadisso gayam daytoy iti secondary line wire a puon ti nakakorientean ti biktima.#