Baro, nalmes iti karayan

NARVACAN, Ilocos Sur – Mamati dagiti nagannak ti biktima a nasukalan a tumtumpaw iti karayan idi aldaw ti Oktubre 30 nga awan ti foul play iti pannakatay ti anakda.

Nasarakan ti bangkay ni Melchor Dominguez y Velasquez, 20, baro, ken residente iti Barangay Nanguneg ditoy nga ili, a tumtumpaw iti Karayan Barbarit iti Barangay San Pedro idi agarup 11:00 ti aldaw ti nadakamat nga aldaw.

Kinuna ti polis a nakita ti biktima nga agtartaray iti barangay road ti nadakamat a barangay idi agarup alas 2:00 ti parbangon sumagmamano nga oras sakbay a nasukalan a tumtumpaw iti karayan.

Patien dagiti nagannak a nalmes ti anakda a mapapati a saan a nalimbong ti panagpampanunotna.#