Baro, namindua a naatalan, natay

CABUGAO, Ilocos Sur –  Dead on arrival iti ospital a nakaitarayanna ti maysa a baro gapu kadagiti nakaro a dunorna maigapu iti namindua a pannakaatalna iti national highway a sakup ti Barangay Cuancabal ditoy nga ili iti agsapa ti Disiembre 16.

Natay ni Jelord Ramos y Castillo, 20, baro, ken residente iti Barangay Sagsagat gapu kadagiti nagduduma a dunorna iti bagina ken ulona kalpasan nga inatalan ti Isuzu Elf truck a minaneho ni Felipe Vite y Bugarin, 42, naasawaan, ken residente iti Barangay Sabang ken ti Toyota Grandia Hi-Ace a minaneho ni Arnold Gampayon y Reyuca, 43, naasawaan, ken residente iti Barangay Fatima, Vigan City.

Naammuan iti panagimbestiga dagiti polis nga agpaabagatan a direksion ti Isuzu Elf idi nadungparna ti biktima a nakaipuruakan daytoy ken pannakaatalna manen babaen ti agpaamianan a Toyota Grandia Hi-ace.

Iti kaudian a damag, nakasuanen dagiti dua a drayber.#