Baro, nasarakan a natagtagbat

DEL PILAR, Ilocos Sur – Managsaggaysan ti anges ti maysa a baro a nadigos iti bukodna a dara idi masarakan iti asideg ti pugonna sadiay Sitio Ul-uling, Barangay Poblacion ditoy nga ili idi agarup alas dies ti rabii ti Mayo 22.

Saanen a naidanon a sibibiag iti pagagasan ni Pascual Bao-it Sinaking, baro, residente iti nadakamat a lugar,  gapu kadagiti sinagrapna a sugat.

Segun iti maysa a kalugaran ti biktima, nakitana daytoy a nagturong iti pugon idi agarup alas 5:00 ti malem ti nadakamat a petsa.

Nasarakan ti maysa a barangay kagawad ti biktima a nadigos iti dara gapu iti pannakatagtagbatna idi agarup alas dies ti rabii.

Agtultuloy ti panagimbestiga dagiti polis no asino ti nangtagtagbat iti biktima ken no ania ti motibo ti pannagbat.#