Footer

Baro, nasugatan iti aksidente

CANDON CITY – Nasugatan ti maysa a baro idi naidungpar ti motorsiklona iti maysa a minibus iti Barangay San Nicolas ditoy a siudad.

Nadunor ni Albert Gadingan, 19, residente iti Calongbuyan ditoy idi nakadungpar ti motorsiklona ti minibus a minaneho ni Wilson Saranquin, 36, residente iti Taboc, San Juan, La Union.

Segun iti inbestigasion, agpaamianan ti bus ket agsikko koma nga agpakannigid idi agoberteyk met ti motorsiklo a puon ti panagdinnungparda.

Nupay kasta, nagareglo dagiti dua iti police station.#