Baro, natiliwan nga agikut iti marihuana

CANDON CITY – Maysa a baro ti natiliwan nga agikut iti marihuana idiay Barangay San Isidro ditoy a siudad.

Iti report ti polis, bayat ti panagpatroliada iti nadakamat a barangay, nakitada ti grupo dagiti lallaki ket sinardenganda.

Nasiputan ti maysa a polis a mapapati nga adda inselsel ni Ronald Galato, 18, residente iti Barangay Patac, Galimuyod, Ilocos Sur a banag iti tambutso ti motorsiklo.

Idi sukimaten dagiti polis, nakitada ti maysa a plastic jacket a naglaon iti student permit ken maiparparit a droga.

Naipan ti suspetsa iti police station para iti pannakainbestigana.#