Footer

Baro, natukkol ti sakana iti aksidente

CANDON CITY.  Natukkol ti tulang iti gurong ti maysa a baro kalpasan a nakidinnungpar ti naglugananna a motorsiklo iti maysa a traysikel.

Nainaganan ti biktima a ni Mark Anthony Dacquel, 21,  ken residente iti barangay Cabaroan, Santa Maria, Ilocos Sur.

Iti inisial nga inbestigasion, labsan koma ti XRM a minaneho ni Dacquel ti traysikel iti national highway a sakup ti Langlangka Segundo idi nagsikko daytoy nga agpadaya tapno pidutenna ti maysa a pasahero ket ditan a napasamak ti aksidente.

Insigida a naitaray iti Candon General Hospital ti biktima. Nakaro ti dadael ti luganna nga XRM.