Footer

Baro nga arsobispo ti Arkidioses ti Lingayen-Dagupan, nainstolar

DAGUPAN CITY – Addan kabarbaro nga arsobispo ti Arkidioses ti Lingayen-Dagupan City.

Nainstolar kas arsobispo ditoy nga arkidioses ni Bishop Socrates Villegas itay Nobiembre 4 iti maysa a misa a naangay iti katedral ditoy.

Sinuktan ni Villegas ni Arsobispo Oscar Cruz kas arsobispo ti Lingayen-Dagupan ket iti edadna a 48, maibilang nga isu ti kaubingan nga arsobispo ditoy pagilian.

Ni Villegas ti auxiliary bishop ti Manila bayat ti panagtakem daydi Archbishop Cardinal Sin ket iti Balanga ti kaudian a nakaidestinuanna.#