Baro nga iskema panagawatan iti pension, nayimplimentaren

VIGAN CITY – Kinuna ni Victoria Antiporda, pangulo ti Philippine Veterans Administration Office ditoy a nayimplimentaren ti kabarbaro nga iskema ti panagawatan iti pension manipud pay itay Enero daytoy a tawen.

Kinunana a nasuspenden ti panagawat dagiti pensionado iti pensionda babaen ti koreo ket masapul a mangala dagitoy iti ATM wenno passbook account kadagiti accredited a bangko a pakairamanan ti MayBank, United Coconut Planters Bank ken Land Bank of the Philippines.

Nayimplimentar ti baro nga iskema para iti nadardaras a pannakaala dagiti pensionado iti pensionda, kinuna ni Antiporda.#