Baro nga NFA prov’l. manager ti Ilocos Sur, nagtugaw

BANTAY, Ilocos Sur – Pormal a nagtugaw kas OIC provincial manager ti National Food Authority ditoy Ilocos Sur ni Tirso B. Mendoza idi Agosto 16.

Sinuktan ni Mendoza ni Engr. Fortunato Bulao a naiyakar iti Ilocos Norte.

Nagpaay ni Mendoza kas assistant manager iti Ilocos Sur idi 1999-2003 sakbay ti pannakaidestinona sadiay Ilocos Norte iti uneg ti walo a tawen.

Mainaig itoy, impakaammo ni Mendoza  nga umdas ti bagas iti bodega ti NFA para iti kasapulan ti probinsia.

“Agsursurok ti suplay nga adda kadagiti bodegatayo. Kinapudnona, iyarayattayo iti CAR ti surokna ta  agkurkurang iti suplay sadiay,” kinuna ni Mendoza.#