Baro nga opisial ti PCL-Ilocos Sur, napili

CANDON CITY – Pinili dagiti konsehal ditoy Ilocos Sur dagiti baro nga opisial ti ligada iti panagbubutos a naangay ditoy siudad itay nabiit.

Imbalat ni Candon City Councilor Nestor Itchon ni  Cabugao Councilor Benedict Savellano babaen ti butos a 220-28 iti pannakailayonna a presidente ti Philippine Councilors’ League-Ilocos Sur Chapter.

Agdagup iti 266 a konsehal dagiti nagrehistro a nagbutos.

Manipud iti bise presidente agingga iti PRO ket awanen ti kinalabanda.

Napili ni Konsehal ti Vigan City Juan Carlo Medina – bise presidente, Konsehal Paula Cynthia Valencia – secretary general,  Konsehal Eduardo Toquero – Auditor, Konsehal Kulafu Trinidad – Press Relation Officer, Maria Paz Cachola -Business Manager.

Awan ti nagipila iti kandidaturana para tesorero ket tinton presidente ti mangdutok iti agtakem iti daytoy a puesto.#