Baro, pinaltoganna ti bagina

VIGAN CITY – Maysa a lalaki ti mapapati a nangkettel iti biagna iti uneg ti pagtaenganda iti Barangay Ayusan NorteĀ  babaen ti paltog idi malem ti Agosto 25.

Pimmusay ni Marcelo Mendoza, 45, baro, residente iti Barangay Ayusan Norte bayat ti pannakatamingna iti Metro Vigan Cooperative Hospital a nakaitarayanna kalpasan ti panangpaltogna iti ulona.

Nakarekobre dagiti polis iti nakapasamakan ti pammaltog iti maysa a cal. 38 nga addaan iti maysa a kapsula iti cylinderna.

Nakasarak pay dagiti inbestigador iti mapapati a surat ni Mendoza nangilanadanna ti panagpakawanna iti pamiliana kadagiti inaramidna no sobra ti pannakainomna.#