Baro, polis, nagbinnunot iti paltog

VIGAN CITY – Naipilaan iti kaso┬á ti maysa a lalaki gapu iti panangpaturongna iti paltog ti maysa a polis a kinasubangna iti Barangay IX ditoy idi malem ti Septiembre 24.

Napilaan iti kaso a panaglabsing iti RA 8294 ni Michael Dagdag y Dasalla, 33, naasawaan, ken residente iti Barangay Capangpangan ket nai-docket ti kaso iti city prosecutorÔÇÖs office ditoy.

Kinuyog ni Judge Manuel Argel, Jr. y Lahoz, 62, naasawaan ken residente iti Gov. Reyes Street ni PO2 Donaldson Pagalanan y Adona, 31, baro, PNP member ti Ilocos Sur PPO, a nagpulong iti polis station ditoy siudad mainaig iti mapapati a panangpaturong ni Dagdag iti polis iti di ammo a kalibre a paltog bayat ti panagsubangda iti Barangay IX idi agarup alas 1:50 ti malem ti nadakamat nga aldaw.

Mapapati a naglibas ti suspek a nakalugan iti nangisit a Honda Wave, idi bimmunot met iti paltog ni Adona ket nabati ti kinaluganna a ni Paul Jansen Pugal y Villalobos, 17, baro, ken kalugaran met laeng ti suspek.

Saan a nailanad iti report no ania ti puon ti nagsubangan dagiti dua.#