Baro a sangguniang bayan hall, nainaguraran

CABUGAO, Ilocos Sur – Manamnama nga agbalin nga inspirasion dagiti sangguniang bayan members ti pannakaited iti napintas a pagsessionanda ket sumaysayaat dagiti pandayenda a linteg para iti pagsayaatan dagiti umili ditoy nga ili.

Daytoy ti bugas ti bitla ni Gov. Ryan Singson iti pannakainagurar ti kabarbaro a sangguniang bayan hall ditoy idi Enero 16.

Ni Singson ti nanggetteng iti laso iti pannakalukat ti SB Hall idinto a binayabay da Mayor Edgar Cobangbang, Jr. ken Vice Mayor Deogracias Jose Savellano ken dagiti kokonsehal.

Naisaruno ti panangbendision ni Fr. Ramil Rigunay, assistant parish priest ti Cabugao Catholic Church, iti pasdek.

Dinayaw pay ni Singson ti napardas a panagprogreso ti ili iti babaen ti administrasion ni Mayor Cobangbang.#