Baro a sumangsango iti rape, naaresto

QUIRINO, Ilocos Sur – Inaresto dagiti polis ditoy nga ili ti maysa a baro nga akusado iti panagrames idi malem ti Nobiembre 24.

Inaresto dagiti polis ni James Canipas y Galla, 41, ken residente iti Barangay Malideg, ditoy nga ili babaen ti bileg ti warrant of arrest ni Judge Mario Anacleto M. Bañez ti Regional Trial Court, Branch 25, Tagudin, Ilocos Sur a napetsaan iti Oktubre 22, 2014.

Sumangsango ni Canipas iti kaso a panagrames iti babaen ti Criminal Case No. 1388-T ken 1389-T ket awan ti nairekomenda a piansana.

Naipan ti akusado iti police station ditoy para iti umisu a dokumentasion ken disposision.#