Basketball exhibition game, naangay

CANDON CITY – Ginasgasut dagiti tattao a nagbuya iti exhibition game iti basketball iti nagbaetan dagiti artista iti pelikula ken telebision ken dagiti politiko iti probinsia a naangay iti Candon Civic Center ditoy a siudad idi Hunio 3.

Sagut daytoy ni Gov. Ryan Singson kadagiti umili kas paset ti panagkasangayna.

Indauluan ni Bise Gobernador DV Savellano ti Team Ilocos Sur a kaduana da Candon City Mayor Ericson Singson, Cervantes Mayor Ben Maggay, Santa Lucia Vice Mayor Ferdie Hernaez, Santa Vice Mayor Popoy Bueno, Burgos Vice Mayor Nathaniel Escobar, Cabugao Vice Mayor DJ Savellano, Galimuyod Mayor Jessie Balingsat, Santiago Vice Mayor Michael Miranda, Tagudin Mayor Joe Bonuan, Bokal Nestor Itchon ken PNP Provincial Director Nestor Felix.

Da met Jason Abalos, Mark Herras, Matt Evans, Onyok Velasco, Joseph Bitangcol, Neil Coleta, Marco Alcaraz, John Hall, Joross Gamboa ken dadduma pay nga artista iti telebision ken pelikula ti nangbukel iti Celebrity Team.

Nupay nagtabla ti puntos dagiti dua a team, naray-awan dagiti tattao a nagbuya iti exhibition game.#