Bataan, Bulacan, nagkiddaw iti suporta iti SP maikontra iti pannakabiag ti BNPP

VIGAN CITY – Suportaran ti gobierno probinsial ti tignay dagiti agtuturay iti Bataan ken Bulacan maikontra iti plano ti nasional a gobierno a mangbiag iti Bataan Nuclear Power Plant iti sanguanan ti nangato a presio ti lana ken petroleum products iti sangalubongan.

Sakbayna, kiniddaw ti sangguniang panlalawigan ti Bataan ken Bulacan ti suporta ti gobierno probinsial ditoy iti panangkontrada iti plano a mangbiag iti nasao a planta.

Maipalagip a naipatakder ti nasao a planta idi tiempo ni Pres. Marcos ngem saan a natuloy ti operasionna gapu iti duktal a nakatakder ti planta iti fault line ti ginggined ket nagamkan ti posible a panagsingawna a pakadadaelan iti salun-at dagiti agindeg ditoy a probinsia.#