Bataoil, nagbalin a Santa Claus iti rehab center

BAUANG, La Union – Sinarungkaran ni Santa Claus iti kinatao ti PNP regional director ti maysa a rehabilitation center iti Barangay Urayong ditoy nga ili ket nagibunong kadagiti sagutna para kadagiti juvenile offenders.

Nangted ni Bataoil iti dua a sako a bagas, P3,000 cash gift ken ni Bella Ferrer, officer in charge ti Regional Center for Youth (RRCY) iti Urayong, ditoy nga ili, ken nagibunong iti 48 gift packs para kadagiti ubbing nga adda iti babaen ti rehabilitasion ditoy.

Kinuna ni Bataoil a paset daytoy iti programa ti police regional office a “Police Big Brother”.

Nagibunong pay ni Bataoil iti regalo kadagiti Day Care pupils iti PRO-1 kabayatan ti Christmas party idi Disiembre 24.#