Bayad iti inspeksion, reserts ti real properties iti Vigan City, nairekomenda

VIGAN CITY – Addanton maipakat a bayadan dagiti agindeg mainaig iti pannakainspeksion ken reserts ti dagiti dagada ditoy siudad.

Daytoy ti inreport ni Konsehal George Villanueva a rekomendasion ti komite ti ways and means and economic enterprises kalpasan ti inangayna a hearing a pannakatratar iti nasao a resolusion.

Ni Konsehal Benjo Verzosa ti chairman ti nasao a komite idinto a vice chairman ni Villanueva.

Ni Konsehal Juan Carlo Medina ti autor ti resolusion a manamnama a mangipaay pay iti pamastrekan ti gobierno ti siudad  para iti social services.

Kalpasan ti pannakaadaptar ti nasao a resolusion, naikalendario para iti maikadua a pannakaibasana iti sumuno a session.#