Tawid News Magazine

Bayani Challenge 2013, naisayangkat

CANDON CITY – Aganay sangaribu  a tattao ti nakipartisipar iti programa a bayanihan a nakaipaayan iti serbisio kadagiti barangay ken pagadalan ditoy siudad itay nabiit.

Indauluan  da Usec Jose Mari Oquinena iti Special Concerns ken director general ti Philippine Information Agency  ken ni Cathryne Jonne Licudine, assistant secretary for Internal Management iti Presidential Communications Operation Office, a timmulong iti pannakapapintas ken pannakatarimaan dagiti pasilidad dagiti pagadalan ken barangay ditoy siudad idi Marso 22-27.

Kadua dagiti nasao nga opisial dagiti aganay 1,000 a volunteers a nagbangon iti stage iti Bagani Ubbog Elementary School, nangpasayaat kadagiti pasilidad ti Bagani Ubbog Elementary School, Salvador Elementary School, Candon South Central, ken Tamurong Elementary School, ken nangtarimaan iti foot bridge  iti Barangay Villarica.

Nangisayangkat pay ti grupo iti creative fun activities, lumba, Kalinga night, music sessions, culture and arts presentation ken Earth Hour.

Kinuna ni Oquinena a naggigiddan nga insayangkatda ti Bayanihan Challenge iti 33 pay a lokasion. (Manipud iti report ni Danny Antalan)

Exit mobile version