Begnas Festival, marambakan

CANDON, Ilocos Sur – Marambakan ti Begnas Festival ita a bulan, segun ken ni Bokal Robert Tudayan.

Kinuna ni Tudayan nga impanamnama da Gov. DV Savellano ken Congressman Eric Singson ti suportada iti daytoy a programa.

Innayon ni Tudayan a posible a maiyababa ti tiempo a pannakarambak ti Begnas Festival.

Ti Begnas Festival ket rambak dagiti nadumaduma a tribu kas iti Bago, Kankanaey ken Tingguian a pakabuyaan dagiti kannawidan a sala, kanta ken isports kas iti tadek ken dalleng.#