Footer

BEIs, umawat iti P3,000 honorarium, P1,300 extra allowance

VIGAN CITY – Segun iti Commission on Elections, makaawat dagiti mangisursuro nga agpaay a Board of Election Inspectors (BEIs) iti eleksion inton Mayo 1, 2010 iti basic honorarium a P3,000.

Malaksid dayta, umawatda pay iti P1,300 a kanayonan nga alawans kas sagudayen ti Comelec Resolution No. 8786: P500 para iti inspection, verification ken sealing ti book of voters; P500 para iti testing ken sealing dagiti makina ken P300 para one-time transportation allowance.

Malaksid iti 3 nga aldaw a service credits, addanto pay insurance dagiti BEI members ket no kaso a matay bayat ti panangakemna iti pagrebbenganna iti eleksion, maikkan ti agtawid kenkuana iti P200,000.

Aganay a P24,000 a mangisursuro ti agpaay a BEI isti aganay 74,000 a clustered precincts iti sapasap a pagilian inton eleksion.#