Footer

Benedictine sister, natakawan

VIGAN CITY – Pinanawan laeng apagbiit daytoy sister ti bagna iti uneg ti opisinada ngem idi agsubli, sinikuaten ti maysa a babai a mannipdut idi malem ti Septiembre 2.

Segun iti report, idi agarup ala una y media ti malem ti nadakamat nga aldaw, pinanawan ni Sister Virginia Naungayan y Quelnan, 62, Benedictine sister ti Eucharistic King ken residente iti Barangay Pantay Fatima, Vigan City, ti krema a shoulder bagna iti opisinada iti  Arhbishop’s Palace ti Nueva Segovia, Nueva Segovia Street, Barangay I ket idi agsubli, awanen ti bagna a naglaon iti P1,600, maysa a Nokia cellphone ken sumagmamano a a napateg a dokumento.

Nagsawar dagiti polis ket inarestoda ni Rhona Osalvo y Reboltiado, 23, nasawaan, ken residente iti Barangay Cabaroan Daya, Vigan City kalpasan nga intudo ti maysa a saksi.

Naikustodia ti suspek iti polis para iti umisu a disposision.#