Benepisario ti ARC Livelihood Program, nawarasan bukbukel, taraknenda a manok

Nawarasan dagiti mannalon a benepisario iti Agrarian Reform Community kadagiti bukbukel a mapatubo, fruit trees seedlings, alinta para vermin-composting ken taraknenda a manok itay nabiit.

Kangrunaan a sangaili ditoy ni Department of Agrarian Reform Undersecretary Rosalina Bistoyong ken ni Dr. Ponciano Batugal, presidente ti Farmers’ Community Development Foundation a nangisuro iti umno a teknolohia ken pannakataraken dagiti naiwaras kadagiti mannalon a benepisario iti ARC livelihood programa a pakairamanan ti Barangay Palacapac, Cubcubbuot, Tablac ken Bugnay.

Segun ken ni Batugal, para iti uneg a dua a tawen laeng ti nasao a programa tapno saan nga agdepende lattan dagiti mannalon iti maitulong kadakuada no di tapno masursuruanda a mangpadur-as iti panagbiagda.#